जन्मदिने भगवानलाई ,एकान्तमा छोड्ने छैन
आमाको माया त्यागी अरु नाता जोड्ने छैन ।
फलाउला फुलाउला आमा तिम्रो सपनालाई
स्वार्थी भई बृद्धाश्रममा पुर्याएर छोड्ने छैन ।
मिठो दिउला राम्रो दिउला खुसी पनि दिउला
अरुको कुरा सुनी तड्पाएर राख्ने छैन ।
जस्तो दिनु खाउला सधै रमाएर खुशी भई
नमिठो भो भनि अवजस लाएर छोड्ने छैन ।
जीवनमा कहिलै पनि तिम्रो बारेमा कुरा गर्दा
समाजमा अफ्नो कुरा गरी गिराएर छोड्ने छैन ।
No comments :
Post a Comment