आमा तिमीले पकाएको खानाको याद आयो,
मेरो खुसीसँग आफ्नो खुसी लुकाएको याद आयो ।
मिठो मिठो बनाई राख्थ्यौ मध्येरातमा घर आउँदा,
नमिठो भनि झर्किएर थाल फालेको याद आयो ।
बिरामी भई ओछ्यानको ,छटपटीमा पर्दाखेरी,
पस्कीएको खाना छाडी काखमा राख्या याद आयो ।
साथी, दाई र दिदि हरुसँग ,झगडा हुंदाखेरी
अरुलाई गाली गरी मलाई फकाएको याद आयो ।
कति खुसी थिए म आमाको माया पाउँदा खेरी ,
परदेशी बन्न पर्दा न्यानो काखको याद आयो ।
No comments :
Post a Comment