May 25, 2017
पिरतीको माला, रोपेर जाँदैछु
कलेजीमा भाला,छेडेर जाँदैछु
साइनो अन्तै , जोडेर जाँदैछु
सम्बन्ध तिम्रो, तोडेर जाँदैछु
मागेउ तिम्ले,मायाको हिसाब
संसारै दाइजो , छोडेर जाँदैछु
पाउनु थियो तिमीले नै धेरै
जीवन नै सम्पती दिएर जाँदैछु
Gazal
गजल
May 8, 2017
सुस्तरी बोल कसैले सुन्लान फेरि
बिनासित्ती झुठा कुरा बुन्लान फेरि
धेरै मिल्दा जुल्दा पनि शंका गरेर
औंला भाँच्दै गल्तीहरु चुन्लान फेरि
त्यसै पनि यहाँ निर्लज्ज छ दुनियाँ
दुनियाँ भन्दा निर्लज्ज भन्लान फेरि
सत्य देख्ने आँखामा कालो पट्टी बान्दा
असत्यको गुणानले गुन्लान फेरि
स्वन्त्रता र न्यायको कुरा उठाउँदा
सधैं अन्यायको घेरामा थुन्लान फेरि
Subscribe to:
Posts
(
Atom
)