Aug 16, 2025

 गजल 

यो धर्ती नभए के होला, त्यस्तो पनि सोच्दछु ।।

उनी साथ नभए के होला, त्यस्तो पनि सोच्दछु ।।

पिर लागेर आउछ, भेट्ने दिन सम्झिदा पनि 

उनी नबोले के होला, त्यस्तो पनि सोच्दछु ।।

मायाँ मोहमै टिक्दछ, संसार सबै भनिन्छ

प्रेम हराए के होला, त्यस्तो पनि सोच्दछु ।।

छटपटीमा बित्छ रात,तिम्रो यादले सताएर

बिना धड्कन के होला, त्यस्तो पनि सोच्दछु ।।

आफ्नो धड्कन नै ,प्यारी तिमी बनि दिँदा 

यहि बन्द भए के होला,त्यस्तो पनि सोच्दछु।।

प्यारी बिना छैन आश,यो जुनीमा बाँच्ने मेरो 

उनी नभए के होला ,त्यस्तो पनि सोच्दछु ।।

टिकाराम गौतम

Continue Reading | comments

मायाँ

Jun 22, 2013

चिनजान भए पछि मायाँ हुँदो रैछ।
अनि फेरि बिछोडमा मन रुँदो रैछ।।
जीवनमा बिताएका पल सम्झिएर।
परेपछि थाहा भयो आँसु चुँदो रैछ।।

तिम्ले आखा तरे पछि रोदन हुदो रैछ ।
आंशु झारि रुदै नयन, भिज्दो रैछ।।
मन नपराउनेलाइ माया दिनु उसै रुनु रैछ ।
तिमीसँगको बिछोडले आँसु झर्दो रैछ ।।

तिमी मुटु जीवनमा सरिक नहुँदा ।
तिमीलाइ सम्झि यो मन त्यसै रुदो रैछ ।।
मायाले मानिसलाइ दिलमा गाडे पछी ।
उसैलाइ सम्झि सम्झि पागल हुँदो रैछ ।।

Continue Reading | comments

मुक्तक

Feb 14, 2013

आज उनले मलाइ पनि 
गुलाबको फुल दिन्छिन अरे !
साचि राखेको माया र जवानी,
मेरै लागि सुम्पिन्छिन अरे !!

Continue Reading | comments

मुक्तक

Jan 22, 2013

तिम्रो मायाँको सागरमा डुबेको छु भन्थेँ
केबल आफ्नै आँशुको सागरमा डुबेको रहेछु
साहारा तिम्रो जिबन भर पाएँ भन्थेँ
अभागी जीबन केबल एक्लै पो रहेछु !!

Continue Reading | comments

पुछ्न खोज्दा

Jul 14, 2012

पुछ्न खोज्दा हातले, आँशु गह भित्रै सुक्छ
भाँच्चिएको हात मेरो, बल्झिएर फेरि दुख्छ ।।

छचल्किन्छन् व्यथाहरू, आखिर यही मुटु माझ
रुन खोजेकै हो तै पनि, सकेन झर्न आँशु आज ।।
पोख्न खोज्दा कसैलाई, व्यथा कता-कता लुक्छ
भाँच्चिएको हात मेरो, बल्झिएर फेरि दुख्छ ।।

Continue Reading | comments